Plantun de Prouvènço

Pèr coumpara dos planto d'encò nostre

Alchemilla flabellata & Crucianella latifolia

Alchemilla flabellata

Rosaceae

Nom en français : Alchémille à feuilles en éventail.

Descripcioun :
Aquelo pato-de-lioun, que trachis dins li tepiero seco de mountagno, sèmblo forço à Alchemilla glaucescens. Èi peréu verdalo emé de cambo peludo e pas bèn grando. Pèr la destria fau que li péu de dessouto la flour (ipantium) siegon bèn desplega e pas coucha (fotò).

Usanço :
Èi bessai vertuouso coume sa cousino Alchemilla vulgaris

Port : Erbo
Taio : 5 à 20 cm
Fueio : Basalo
Tipe bioulougico : Emicriptoufite
Cicle bioulougico : Planto renadivo

Gènre : Alchemilla
Famiho : Rosaceae

Ordre : Rosales

Coulour de la flour : Verdo
Petalo : 4
Ø (o loungour) flour : 2 à 3 mm
Flourido : Printèms - Estiéu

Sòu : Si
Autour basso e auto : 800 à 2600 m
Aparado : Noun
Mai à avoust

Liò : Tepiero seco
Estànci : Subremediterran à Aupen
Couroulougi : Ouroufito-Sud-Éuropenco
Ref. sc. : Alchemilla flabellata Buser, 1891

Croussianello(-di-fueio-larjo)

Crucianella latifolia

Rubiaceae

Nom en français : Crucianelle à larges feuilles.

Descripcioun :
Pichoto planto proun curiouso que douno d'èr à un espigau de graminaceae. Mai un cop qu'avès vist si fueio verticilado, i'a pu ges de doutànci. Crucianella latifolia se destrìo de sa cousino Crucianella angustifolia, d'abord emé si fueio que soun mai larjo e mai longo e subretout emé sis espigo primo e longo (> 4 cm). Coumpara emé la croussianello-di-fueio-estrecho qu'a d'espigo mai larjo e pu courto (2 à 4 cm). S'atrobo subretout en Basso Prouvènço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : Pancaro entresigna
Fueio : verticilado
Tipe bioulougico : Teroufite
Cicle bioulougico : Planto de l'an

Gènre : Crucianella
Famiho : Rubiaceae

Coulour de la flour : Blanco
Petalo : 4
Ø (o loungour) flour : Pancaro entresigna
Flourido : Printèms

Sòu : Ca
Autour basso e auto : Pancaro entresigna
Aparado : Noun

Liò : Garrigo - Esboudèu - Roucaio - Tepiero seco
Estànci : Termoumediterran à Subremediterran
Couroulougi : Pancaro entresigna
Ref. sc. : Crucianella latifolia L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Alchemilla flabellata & Crucianella latifolia

ges

Coumpara Pato-de-lioun(-en-ventau) emé uno autro planto

Coumpara Croussianello(-di-fueio-larjo) emé uno autro planto